Roma 5:2-11

²Ia arinai hinage ta lage Eaubada nualolona eai, arinai ta totoro, eo ta kode, paana Eaubada ena namanamari boeana eai ita eda tupo ta abi.

³Meta mo nige’e, eda amamna eai hinage arinai ta kode paana ta nuatui amamna nuapaipai i hetubu,

⁴eo nuapaipai tau ena nuaadidiri i hetubu; eo nuaadidiri arinai sunuma i tubuma hinage;

⁵eo ena ta sunusunumaei taba nige ta taumaeamaea, paana Eaubada ena gadosisi nuaboeada eai se ini‐hemonauboriboriri, Earua Tabuna debana eai ia ede se leamao.

⁶Paana ita ma‐beruberuda, huiana i lagema, Keriso, tatao Eaubada matausina nige se matausi, debadi eai ie mate.

⁷Taulaulaududurai mo debana eai taba nige tau esau ie mate; taiede tau lolo ariri debana eai ibai headi abo se mate, e nige’e?

⁸Na Eaubada ena gadosisi arida eai i hemasarahayama ede ina, ita ma laulau baabaaeada eai Keriso debada eai ie mate.

⁹Arinai ede ia osinana debana eai se heduduraida wa, ia debana eai hinage Eaubada ena ouyalayala eai abo se hemaurida.

¹⁰Ena ita ma‐waiunuda Eaubada arinai ta labini ia Natuna matena eai, na ta labinieiyao wa, abo ta mauri hinage, ena mauri eai.

¹¹Na meta mo nige’e, Eaubada ta kodei hinage eda Guiau Iesu Keriso debana eai, ia arinai maeda ta labini‐esegaidao.