Roma 4:4-8

⁴Kaflingengu dun, i to tnaden, i taden gwean ise ku tatì blé kenen, bay ulê i nimoan.

⁵Kabay i to là smalig di dad nimoan du fye matlu kenen, bay smalig di Dwata, fakay man matlu i to gamsalà mdà di kafaglutan, du én gumdà Dwata man matlu kenen.

⁶Salngad i gman Dabid di muna fa, di kmanan too fye i to tanlifet Dwata i salaan na matlu di kiten, du mdà di kafaglutan ise ku mdà di fye nimoan.

⁷Ani manan, “Too nun kafye di satu to, ku tamaglifet i dad salaan, too nun klehewan di ksafang Dwata i dad salaan én.

⁸Too nun kafye i to là nukum Dwata mdà di salaan.”