Roma 3:16-19

¹⁶meke vasina la gua rini si vata sigiti na vata sunai rini sari na tie,

¹⁷meke sa siraṉa tanisa binule si lopu hite tumae nia rini;

¹⁸meke namu lopu hite matagutu nia rini sa vina kilasa te Tamasa,” gua.

¹⁹Ego, kamahire si gilania gita sapu sari doduru pu zama ni sa Tinarae te Tamasa si ta zamae koa rini pu koa ta kopue koasa Tinarae sana, pude kaqu tava noso sari na vina ririunae tana tie; meke pude sari doduru tinoni pa kasia popoa si kaqu ta pitu koe Tamasa.