ROMA 2:15-26

¹⁵Idia ese lalodia ai e torea tal-avatuna karadia e hahedinaraimu, bena lalodia ese taravatu e hamomokanimu; bona lalodia ese e hahemaoro henidiamu, bena e habadelaidiamu, eiava maorodia e gwauraimu.

¹⁶Egu sivarai namo hegereḡerena, dinana baine kau ai Dirava ese taunimanima edia hehuni karadia baine hahemloro henidia, Iesu Keriso bagunai.

¹⁷Taunabinai oi, Iuda taumu o tomamu, taravatu o abidadama heniamu taumu, Dirava o heatolaiamu

¹⁸bona ena ura mai dibamu taumu, herea-dae ḡaudia toadia dibamu bona taravatu vada o diba vaitani o tomamu taumu:

¹⁹oi na mata-kepulu taudia o hakaudiamu, bona dibura ai e nohomu taudia edia diari ai o laomu,

²⁰bona kavakava taudia o sisiba henidiamu, bona memero o hadibadiamu; badina be aonega bona hereva momokani oromadia na taravatu lalonai o davarimu.

²¹Matona, bamomu o hadibadiamu, to sibomu to hahedibamu a? O haroromu, o tomamu taunimanima basie henao, a ḡau be oi o heuda hanaimu a?

²²O tomamu taunimanima basie heuda hanai, a ḡau be oi o heuda hanaimu a? Kaivakuku o ihi-ihiraidiamu, a ḡau be dubu ḡaudia o henaomu a?

²³Taravatu o heagilaiamu, a ḡau be taravatu itata-utuna ai Dirava o hadikaiamu a?

²⁴Benaini, buka ai ini e torea toma, ani: Dirava ladana na bese idau-idau bogaragidiai e ihiihiraiamu umui daimui ai.

²⁵Momokani, taravatu ba badinaia negana ai peritome ese baine hanamomu; a taravatu ba tataia utu negana ai emu peritome na asi anina.

²⁶A asie peritomea tauna na taravatu baine badinaia, ia na e peritomea tauna heḡereḡerena ai bainela ani?