Roma 16:1-17

¹Ita louda Pibe enana ai ribahesibasibamiu, ia ekalesia Kenekerea eai tauheayaiedi;

²ia au oiamihai Guiau boeana eai, doha hetabu tataodi edi laulau, eo ana paisoa aisana aisana ia abo au sagusagui, paana ia tatao gamagamagari tau sagusaguidi ede, eo eau hinage i saguigu.

³Perisika eo Akula, helegu taupaipaisoa Keriso boeana eai, ea aitoiedi;

⁴egu mauri debana eai isi edi mauri se torehebiga, isi ea lautoiedi, hinage nige eaubom mo, Murimuri‐tataodi edi ekalesia gamagamagari hinage se lautoiedi.

⁵Hinage ekalesia isi edi numa eai wa, ea lautoiedi. Epaineto, ia ea gadosisiaririei ea aitoiei, ia Asia ealahouna Keriso arinai.

⁶Maria hinage ea aitoiei, boeamiu eai i paisoa adidiri ariri.

⁷Eo Anironiko, eo Iunia, egu eanua tataodi, ea lautoiedi, nabada wa se tutuguduesegaimai, isi aposotolo boeadi eai se sae ariri eo isi Keriso tauataiena bagubagunadi, huia ne eau soragu.

⁸Amepelia, Guiau boeana eai ea gadosisiaririei, ea aitoiei.

⁹Urobano, ada sagu Keriso boeana eai, ea aitoiei, eo Setaku hinage, ea gadosisiei.

¹⁰Apele ea aitoiei, Keriso ia i nualoloei. Aritobulo ena dodogayao ea lautoiedi.

¹¹Eo egu eanua tauna Herodiona ea aitoiei. Isi Narikiso ena dodogayao Guiau boeana eai ea aitoiedi.

¹²Terupaina eo Teruposa isi Guiau arinai se paisoa adidiri, ea aitoiedi. Paresida, ea gadosisiaririei, ia Guiau ana paisoa taupaipaisoa adidiriena, ea lautoiei.

¹³Rupo, Guiau ena tauhinehinerina esau, ma sinana, ia eau sinagu hinage, ea lautoiedi.

¹⁴Asukirito eo Pelegona, eo Heremese, eo Pateroba, eo Heremasa, eo eda tataoyao isi maedi se miamiaesega wa, ea lautoiedi.

¹⁵Pilogogo eo Iulia, eo Nerea, eo ia louna hinage, eo Olumepa, eo hetabu tataodi gamagamagari isi maedi se miamiaesega wa, ea lautoiedi.

¹⁶Alagoi tabuna arinai au haiaitoiemiu. Keriso ena ekalesia gamagamagari omi se lautoiemiu.

¹⁷Na egu tataoyao e, ea awanorilaowa arimiu eai, ea ene isi boeamiu eai se peilabuimiu eo se woeaponorimiu au itakomakomanidi; riba au ataieyao isi se laugudugudui: au otaotaedi.