Roma 16:1-14

¹Nesik susurak ia, au ae akalelelak ita kaꞌa inan Febe neu ei, ma oke fo ei simbok malan dei. Ndia, ndia ara soꞌu ralan fo dadi neu mana malangga saranik nai kota Kengkrea.

²Au oke fo ei makambela limam mara fo simbok malan no malole, sama leo hata fo nandaa soa-neu hatahori saranik kara, nahuu ana nakaesa no ita Lamatuan. Ana toꞌa hata, na, tulun doi-sou neun leo. Ana ndia tulu-fali au, ma hatahori noꞌuk ka numa fai bakahulun mai.

³Haitua hara masodak malole numa au mai, fee kaꞌa inak Priskila no ndia saon, kaꞌa Akila. Ai sama-sama makalalaꞌok Yesus Karistus ue-osan noꞌun seli ena.

⁴Ela kada faak ka dua sara mate fo ara tao rasoi-rasoda au. Tehuu ta kada au mesa ngga ndia oke makasi neu sara. Hatahori ta Yahudir fo mana dadi reu hatahori saranik ena, numa basa saranik kara marai bee a mesan oo roke makasi nahuu sira tutulu-fafali malolen boe.

⁵Haitua au hara masodang fee basa hatahorir fo mana rakabubua fo nggarei nai Priskila no Akila uman. Haitua hara masodak fee au nonoong, kaꞌa Epenetus. Ndia naa, hatahori makasososak fo namahere neu Karistus nai profensi Asia.

⁶Haitua hara masodak fee kaꞌa inak Mia. Ana naue-osa fafandek lima-ein numa ei taladam.

⁷Haitua hara masodak fee kaꞌa Andronikus no kaꞌa inak Yunia. Sira naar, hatahori Yahudi sama leo au. Ara ramahere Karistus ena, neu au bei ta amahere. Fai bakahulun ara ruma bui dale sama-sama ro au. Sira oo dadi reu Lamatuak nedenun boe. Sira iar hatahori nelelak kara.

⁸Haitua hara masodak fee kaꞌa Ampliatus. Au suen, nahuu ana nakaesa no ita Lamatuan.

⁹Haitua hara masodak fee kaꞌa Urbanus. Ana oo nakalalaꞌok Karistus ue-osan sama-sama no ai boe. Haitua hara masodak fee kaꞌa Stakis fo au suen.

¹⁰Haitua hara masodak fee kaꞌa Apeles. Ana hambu soba-douk, tehuu ana senggi. De manggaledok ena, ana namahere tebe-tebe neu Karistus. Haitua hara masodak fee kaꞌa Aristobulus nufanelun lalaꞌen.

¹¹Haitua hara masodak fee kaꞌa Herodion. Ndia ia, hatahori Yahudi sama leo au. Haitua hara masodak fee Narkisus nufanelun lalaꞌen fo mana ramahere neu Karistus ena.

¹²Haitua hara masodak fee kaꞌa inak Trifena ma kaꞌa inak Trifosa. Sira oo rakalalaꞌok ita Lamatuan ue-osan boe. Haitua hara masodak fee au nonoong, kaꞌa inak Persis. Ndia oo naue-osa fafandek lima-ein soa-neu ita Lamatuan boe.

¹³Haitua hara masodak fee kaꞌa Rufus. Ita Lamatuan ndia here nalan. Haitua hara masodak fee ndia inan boe. Ndia naa, nok bali au ina bongging.

¹⁴Haitua hara masodak fee kaꞌa Asinkritus, kaꞌa Flegon, kaꞌa Hermes, kaꞌa Patrobas, kaꞌa Hermas, ma basa toranook kara fo mana leo ro sara.