Roma 10:7-11

⁷Eked heman kepakay aw meg-aneng-aneng kidon te keilangan doen pa domoton didalem te tanà amon meg-antay ki Cristo lekat te nematay.

⁸Doen heman kagi te Timanem insolat, “Kidoen kenyo se kagi te Timanem, so yan se egbelaw-belewayen niyo aw eg-eneng-enengen niyo.” Yan se kagi te Timanem ipegtoladà day te keilangan somalig kidon diyà ki Cristo.

⁹Aw mikagi kaw te benal migpesakop kaw den diyà te Pengolo tadon si Jesus, aw memenal kaw te inantay sikandin te Timanem lekat te nematay, yan mekelowà kaw lekat te pelumun te Timanem.

¹⁰Aw melobos se pedowan tadon te pegsalig tadon diyà ki Cristo, yan eneng-enengen te Timanem te metòlid kidon. Aw meg-indan kidon te menge doma otaw te benal simalig kidon den diyà ki Jesu Cristo, yan ipelowà kidon din lekat te pelumun din.

¹¹Doen kagi te Timanem insolat, “Eked palos pekebollog se otaw somalig diyà kandin.”