Roma 10:10-21

¹⁰Kalo fiar modi neon, Naꞌi Maromak nanis naloos o. Kalo katak sain modi ibun maꞌak, ‘Yesus Kristus, haꞌukaan Naꞌin’, Naꞌi Maromak nanis sori o nosi okaan salan.

¹¹Hakerek Moon naꞌak, “Ema mak fiar baa Naꞌi Maromak la neon kiꞌik kedan, tan hotu-hotu mak Naꞌi Maromak nameno tiꞌan, Nia nanis nalo dadi.”

¹²Ema Yahudi no ema lahoos Yahudi manesak, tan Naꞌin ida dei bodik ema klubun hotu-hotu. Nia moos beer fakar laran diꞌak bodik ema hotu-hotu mak nusu tulun baa Nia.

¹³Ita hatene lia nia tan Hakerek Moon naꞌak, “Ema hotu-hotu mak nusu tulun baa Naꞌi Maromak, Nia nanis sori sia.”

¹⁴Mais kalo ema sei la natene Nia dauk, oin nunabee sia bele nusu tulun baa Nia? La bele! Kalo sia sei la rona lia nosi Nia dauk, oin nunabee sia bele fiar baa Nia? La bele! Kalo sei la noo mak baa katak lia nosi Nia baa sia, oin nunabee sia bele rona Niakaan lia nia? La bele!

¹⁵Kalo sei la noo mak solok ema dauk, oin nunabee ema bele baa katak Niakaan lia baa sia? La bele! Tan Hakerek Moon naꞌak, “Ema mak nodi lia diꞌak mai, niakaan mamain nia kabaas basuk!”

¹⁶Mais emi hatene tiꞌan haꞌak, noo ema Israꞌel balu mak la noꞌuk rona Lia Diꞌak. Maromak makoꞌan Yesaya nakerek naꞌak, “Ama Maromak! Ema sia la noꞌuk fiar Ama Manfatin mak sia rona tiꞌan nosi ami!”

¹⁷Ema musti rona uluk lia nosi Kristus, foin sia bele fiar. Musti noo ema mak katak uluk Niakaan lia nia baa sia, foin sia bele rona.

¹⁸Haꞌu kusu kokon nuneꞌe: arumak emi hanoin haꞌak, ema Israꞌel sia la dala ida rona nosi lia Kristus ka? Sia rona nanis tiꞌan! Tan Hakerek Moon naꞌak, “Maromak makoꞌan siakaan lia mamenon keke lema raiklaran tomak tiꞌan. Siakaan lia fuan toꞌo raiklaran lidun no sikun sia tiꞌan.”

¹⁹Haꞌu atu kusu tenik lia ida kaꞌak, “Ema Israꞌel sia natene Naꞌi Maromak dalan, ka lale?” Sia nanis natene! Bei Musa nakerek uluk nosi lia nia tiꞌan. Baa oras nia, Naꞌi Maromak katak baa ema Israꞌel naꞌak, “Haꞌu atu kalo lia diꞌak bodik ema klubun seluk sia. Tan lia nia, emi atu hirus. Haꞌu atu kalo lia diꞌak bodik ema mak emi temi haꞌak kakutak tomak. Tan lia nia, emi atu ruun neꞌan.”

²⁰Nosi ikus, Bei Yesaya moos nakerek malorek nosi ema lahoos Yahudi naꞌak, “Noo ema mak uluk la buka Haꞌu, mais oras neꞌe sia nasoru nola Haꞌu tiꞌan. Noo ema mak uluk la nusu atu naree Haꞌu, mais oras neꞌe Haꞌu katadu aan baa sia tiꞌan.”

²¹Mais Naꞌi Maromak katak nosi ema Israꞌel nuneꞌe: “Loron-kalan Haꞌu kein ema Israꞌel sia mai baa Haꞌu. Haꞌu kbeer simu sia kodi liman rua. Mais sia la noꞌuk mai. Sia la nanono baa Haꞌu nodi sakar Haꞌu.”