Rom 4:8-11

⁸Dana oso Tibud uqa uqana silail qee sanijiaun eu ceelecca biligian,” en.

⁹Ceelec eu dana dewenega cagu qoc eundec agena himecfo? Qee bahic! Eu dana dewenega cagu qee qoloin eundec agena ha. Ege Anutna jaqec je wele madom eu odi madena, “Ebraham uqa Anutna jenu waug meleen. Odocob Anut uqa waug meleec fen eunu uqa dana ititom ec maden,” ena.

¹⁰Aria, Ebraham adi bibilen Anut uqa dana ititom ec maden? Uqa deweg cagu wele qonfo, qee cagu qee qolfo? Eu mele, Ebraham uqa deweg cagu qee qoc bibilen Anut uqa dana ititom ec maden.

¹¹Wele bahic saen uqa deweg cagu qee qoc bibilen uqa Anutnu waug meleen, eunu Anut uqanu dana ititom ec maden. Odocob eu uqana gadac Anutnadec on sisi mec eu dewenega cagu qoc kobol. Eunu Ebraham uqa dana cunug age dewenega cagu qee qoloin qa age Anutnu wawaga meleeceb Anut uqa eu age dana ititom ec maden eu agena aquniadec memega.