Rom 4:4-8

⁴Pa ning tik i titol, dir lou i ana nuna titol, bel a artabar. Anuna arlou ot ning i kibasi.

⁵Ir mangmangasa tetek a barsan ning bel i titol, ika i tortorot o e God, esaning i sira atong a tena laulaula mang la tostos? E God ir oroi lalan anuna tortorot pa ir atongi mang i tostos.

⁶E Dewit otleng i atongi larne, ning i atongi mang a barsan i angis ning e God i atongi mang i tostos, ana nuna tortorot ka, pa bel ana ututnala ning i toli. I atongi mange,

⁷“La ning e God ka kepsen tar anunla na toltol na kutus warkurai la angis, pa la ning e God ka nuk duman sen anunla na toltol laulaula, la angis.

⁸A barsan i angis ning a Leklek bel i nuk pas anuna na toltol laulaula, pa bel ir warkurai i ono.”