Rom 3:4-18

⁴Rëḳ nama! Nabë mehönon pin denanër ġaġek kuungsën, og sënë su rëḳ pekwë Anutu rë, gaḳ yö rëḳ medo menanër yönon degwata los degwata. Yiḳ yoh vu ġaġek sën neggëp loḳ yi ḳapiya lo bë: “Honġ ġaġek pin og niröp rot. Om nabë degevonġ ġaġek vu honġ, og rëḳ kwesuu sir yönon.”

⁵Om hil rëḳ nanër nabë va? Nabë hil nehevonġ nġaa nipaya gAnutu nevonġ nġaa yohvu mu, og maḳ Anutu su yoh vu bë bo nyëvewen doḳ nah hil nġaa nipaya rë? In hil nġaa nipaya tato yi nġaa nivesa ranġah bevonġ barë böp raḳ mekesuu-a?—sënëḳ sa nesepa loḳ mehönon kwaj mu mesenër—

⁶rëḳ nama! Hil su rëḳ nanër nabë saga rë, in nabë Anutu su mehö yohvu rë, og su yoh vu bë rëḳ seggi mehönon hir nġaa pin bebo nyëvewen doḳ nah vu sir rë.

⁷Log nabë hil nanër nabë mehönon degeḳo Anutu arë jaḳ rot, in delë bë sa mehö ġaġek kuungsën, rëḳ yi og mehö nenër ġaġek los anon, og maḳ su yoh vu bë rëḳ bo nipaya nyëvewen doḳ nah vu sa rë? In nġaa nipaya sën sa nehevonġ lo tato yi nġaa nivesa ranġah barë böp raḳ mekesuu-a?

⁸Bë nabë sënë, og hil rëḳ nanër nabë, “Ham-o! Behil ġevonġ nġaa nipaya in nġaa nivesa rëḳ berup jaḳ!” Log alam vahi denekuung raḳ medenenër ġaġek raḳ he yah nenga bë he nanër nebë sënë! Rëḳ ma! Hil su ayoh vu bë ġevonġ nabë sënë rë! Om alam sën denenër bë aga rëḳ degeḳo nyëvewen doḳ nah beyoh vu.

⁹Om-a? Maḳ hil Yuda kesuu alam-yu-ngwë? Ma veröḳ yi! He nër ggovek ya bë hil pin nado loḳ nġaa nipaya ayo peggo. Hil Yuda los alam-yu-ngwë pin.

¹⁰In ġaġek neggëp loḳ Anutu-yi-ḳapiya nebë: “Mehö nivesa ti su nedo rë, gema veröḳ yi.

¹¹Mehö los kwa ti su nedo rë, geti su nesero Anutu in bë jaḳ ni rë.

¹²Mehönon pin deyoh paya in aggata niröp, gesir pin los dahis nij paya raḳ. Gaḳ mehöti su nevonġ nġaa nivesa rë, gema veröḳ yi. Ti su nebë sënë menedo rë.”

¹³“Avij nebë asoreng vu bedub ggëp netöḳ, gedaggej nenër ġaġek kuungsën.” “Vonġ bë nyël nevu parahek nipaya nedo loḳ avij”,

¹⁴“medeneterot mehönon raḳ ġaġek nipaya”.

¹⁵“Deneseröġ pevis in bë dengis mehönon medenadiiḳ.

¹⁶Denevonġ rii raḳ nġaa nivesa pin vu nyëġ pin sën deneya lo, bedenevonġ maggin vu alam.

¹⁷Malaj nesepa beġö gesir duġin ġaġek-ahë-yes.”

¹⁸“Su kwaj nevo Anutu bedeneggöneng in yi rë.”