Rom 3:10-13

¹⁰Mɨnɨm nɨbak rek, God Mɨnɨm ak ñu kɨl tɨkɨl aglak, “Bin bɨ per gɨ tep gɨpal rek ognap ma mɨdebal.

¹¹Bin bɨ, nag ar nɨbak tep, nag ar nɨbak tɨmel, agɨl nɨpal okok ognap ma mɨdebal. Bin bɨ, ‘God pɨs ar amɨl, nop eip mɨdojɨn,’ ag nɨpal okok ognap ma mɨdebal.

¹²Bin bɨ okok magɨlsek God nop kɨrɨg gɨl, bin bɨ tɨmel rek mɨdɨl, tap si tap tɨmel nep gɨpal. Kɨri magɨlsek aknɨb rek nep gɨpal.

¹³Aleb kɨri ak adɨk madɨk gɨl, per esek yɨb nep apal. Tɨgu mɨgan kɨri ak, cɨp kɨmek pɨrau ñɨ tep ma gel, ki tɨmel owɨp ak rek mɨdeb. Bin bɨ ognap kɨrop nɨŋel mɨlɨk yapek, ag juɨl, mɨnɨm tɨmel apal ak, toi tɨmel kodal rek mɨdebal.