ROM 16:7-23

⁷Andrinika le Junia khah a dang pawtah pa tah pah my lo. Aaning cawh ka Juda mingphing hui, kama kha thong a tlah hruipaw a cang he. Aaning cawh apostol sahlo hrong letah hmezawpaw cang he ka, kama hlai tah khrisaw a cang ciapaw a cang he.

⁸Abuipaw letei ka dopaw Ampliata khah a dang pawtah pa tah pah my lo.

⁹Khri rai ka hrehruipaw Urbana le ka dopaw vesaw Stakhi khah a dang pawtah pa tah pah my lo.

¹⁰Khri zingnah letah a se ngeteipaw Apele khah a dang pawtah pa tah pah my lo. Aristobula ingchungkho khah a dang pawtah pa tah pah my lo.

¹¹Ka mingphing hui Herodion le Narsisa ingchungkho letei khrisaw ka uny sahlo khah, a dang pawtah pa tah pah my lo.

¹²Abuipaw rai a hrepaw Traifena le Traifosa khah a dang pawtah pa tah pah my lo. Abuipaw cawtah raisah a hrepaw ka dopaw vesaw Persi khah a dang pawtah pa tah pah my lo.

¹³Abuipaw thingpaw Rufa le a no, sawtei hratah a pa mingkai pariapaw he khah a dang pawtah pa tah pah my lo.

¹⁴Asinkrita, Flekon, Hermi, Patroba, Herma le aaning kha a ungpaw khrisaw uny vytei khah a dang pawtah pa tah pah my lo.

¹⁵Filoloka le Julia, taico Nereus le a sateino le Olimpa le aaning kha a ungpaw mehpathai vytei khah a dang pawtah pa tah pah my lo.

¹⁶Naaning cawh pakheh le pakheh a pathaipaw a doná tah bia a ching cy my lo. Khri tei a cangpaw khrisawbu vytei tah a dang pawtah aa ca tah he.

¹⁷Uny sahlo, a pachainah a chuasah tu le naa zingnah hna a hnawh sahtu, naaning tei naa hmuh ciapaw cawngpahnah khatei a cakahpaw sahlo khah a raering la, tah ka ca pasy he. Aaning cawh cahri my lo.

¹⁸Zecawtamaw tatah ma hapaw rai a hrepaw he cawh kaa Buipaw Khri rai aa hrepaw khah cang lytah aaning aa dunah cawtah aa tuapaw a cang hri. Aa hmokaw chaw le male hluihlang thai ná tah ningkheh teitah a ungpaw thaikhehpaw sahlo khah aa lung pamo he ka, aa dungkhei he.

¹⁹Abuipaw a bia naa ngepaw khah ming maikaw tah thui he ka, ma kong lehei ka lung a lawng. Chahnah lang leco mehsing cang la, tah heh ka du, canghrasala chianah lang leco nyheh hasaitei hratah cang my lo, tah heh ka du.

²⁰Denah Khazing taco Setan khah naa pherai letah a ria pating a. Kaa Buipaw Zisu ningdonah cawh naaning khatah ung ky seh.

²¹Ka raihrehui Timote tah a dang pawtah a ca tah he. Taico ka sawny a cangpaw he Lusia, Jason le Sosipater zong tah a dang pawtah aa ca tah he.

²²Ma cakua a ciapaw kama Tertia tah Abuipaw ming tah a dang pawtah ka ca tah he.

²³Ka tlungingpaw Kaia, khrisawbu a pungnah pawhe ing a hnuitu tah a dang pawtah a ca tah he. Ma khua tangka a kaitu Erasta le kaa unypaw Kuarta tah a dang pawtah aa ca tah he.