Rom 16:1-17

¹Aya nemã mainamã Foibe, Senkria taun nẽ sios neid kabĩ kayau biya ya anĩ, ã keleĩ youf nigin arokeneik.

²Ã Negur nẽ tamo kayau ago wiyẽdigedig gen, ĩ Odug bun waleg fen, ĩ ã bun ereb lau fef anĩ usennẽgouf, ere nigin, ĩ tamo kayau musei isenneĩd fen, ayag isennan.

³Kristus Jesus bun, neu kabĩ turau tar, Prisila Akwila ado, neu aanya wenẽdigouf.

⁴Idi aya nigin laa uyu ditoron. Aya dogol sã, haiden neid sios gananeg idi de difiyẽdif.

⁵Sios idi neid fõ bun guru difedig anidig, neu aanya wenẽdigouf. Neu oboiyou Epenetus, Asia provins bun Kristus nigin ĩ ketem momoiya tamo wõ yen anĩ, neu aanya wenẽgouf.

⁶Maria ã nigin kabĩ totol yalen anĩ, neu aanya wenẽgouf.

⁷Neu sirag tar, Andronikus ado Junia idi aya geid kalabus bun mabodon anidi, neu aanya wenẽdigouf. Aposel atun idi ilun bagai difaref, aya momoiya sã mog, idi ketem Kristus nigin momoi den.

⁸Ampliatus, Odug bun neu oboiyou, neu aanya wenẽgouf.

⁹Urbanus, Kristus bun neda kabĩ turada ado, neu oboiyou Stakis, neu aanya wenẽdigouf.

¹⁰Apeles ĩ nigin Kristus bun, tamo kayau biya difiyẽdig anĩ, neu aanya wenẽgouf. Idi Aristobulus nẽ ibor anidi, neu aanya wenẽdigouf.

¹¹Herodion, neu sirag, neu aanya wenẽgouf. Idi Narsisus nẽ ibor Odug bun dibodok anidi, neu aanya wenẽdigouf.

¹²Trifena ado Trifosa, kayau idi Odug bun kabĩ totol daledig anidi, neu aanya wenẽdigouf. Neu oboiyou Persis, kayau taka Odug bun kabĩ totol yaledig anĩ, neu aanya wenẽgouf.

¹³Rufus Odug bun igirnen ado, yogon sina, ĩg aya neu naai, neu aanya wenẽdigouf.

¹⁴Asinkritus, Flegon, Hermes, Patrobas, Hermas ado, turada tar idi geid difaref anidi, neu aanya wenẽdigouf.

¹⁵Filologus, Julia, Nereus ĩ main ado, Olimpas ado, Negur nẽ tamo kayau ganan idi geid difaref anidi, neu aanya wenẽdigouf.

¹⁶Abob fateul bunem umã wiyẽg fen, aan wiyẽgouf. Kristus nẽ sios ganan ã bun aanya sur difef.

¹⁷Turau tar, idi, ã Negur nigin keleĩ walegen anĩ, ditor ken, ã fara diyei ken, naabureĩ gudũ difedig anidi lo walagauf nigin, aya ã totol bagai arokeneik. Idi sese wedigouf.