Rom 16:1-14

¹Dŋal nayeenk Febe ñaaţ i nja anjaaŋ alempar banfiyaaruŋ biki Kenëray.

²Nayeenkana ţi pŧoofan jibi ñaaŋ ajaaŋ ayeenk bañaaŋ biki Naşibaţi ţi katim ki Ajugun, naţënkana ţi iko bŧi yi akluŋ kanuma ţiki ul ţi uleeful aţënk bañaaŋ baŧum aţu na nji ţi uleef naan.

³Dwul mboş *Priŧiliya na Akila banjaaŋ bawo na nji ţi plempar Yeŧu *Kriŧtu,

⁴bukal bambiiŋ anaţ naţ kawul iţuţ yi baka abuuranaanën pkeţ. Dbeeb baka, mënţ nji aloolan kabeebuŋ baka, banfiyaaruŋ banwooŋ baanwo bayuday bŧi bakak abeeb baka.

⁵Dkak awul mboş banfiyaaruŋ banjaaŋ bayit du katoh ki baka. Dwul mboş Epenet i mmaganuŋ anwooŋ naŧeek anfiyaaruŋ *Kriŧtu du uŧaak wi Aŧiya.

⁶Dwul mboş Mariya anhaahuŋ maakan na an.

⁷Dwul mboş Andronika na Yuniya bayiţ naan ţi *Kriŧtu bambiiŋ awo na nji du ukalabuş. Bawo bañaaŋ banŧiinkaniiŋ ţi banjañan abot afiyaar *Kriŧtu ji mbi ndo kafiyaara.

⁸Dwul mboş Ampliyat i mmaganuŋ bnuura ţi katim ki Ajugun.

⁹Dwul ma Urabanu anjaaŋ alempar *Kriŧtu na un, na Ŧitaku i mmaganuŋ.

¹⁰Dwul ma Apeleŧ anyuujuŋ kë amëban *Kriŧtu. Dwul mboş biki katoh ki Ariŧtobulu.

¹¹Dwul mboş Herodiyon ayiţ naan. Dwul ma biki katoh ki Narŧiŧu, banwooŋ biki Ajugun.

¹²Dwul bi Trifena na Trifoŧa mboş, bukal banhaahuŋ maakan ţi plempar Ajugun. Dwul mboş Pereŧida aŋalaniiŋ abot ahaah bnuura pa Ajugun.

¹³Dwul mboş Rufu i Ajugun adatuŋ na anin ankaaŋ awo ni.

¹⁴Dwul ma Aŧenkritu na Flegon na Hermeŧ na Patroba na Hermaŧ na bayiţ baka banwooŋ na baka.