Rom 14:5-8

⁵Ya jo kasehek sahou ari ja doh: Lau rayah abudon hawe aleben anya, “Len rayah badeh, ndrabun ta len rayah;” ya iri rayah abudon anya, “Bwe, len mari i le randra le, ari bala randrah bwe, ya ari bala randrah bwe.” Arile, bwe, uru ma lubuk badeh, budon turu sala la-uh ta nyala kandriyen ta atehei ndrabun ta len rayah.

⁶Are lau oro abudon ma aleben anya, “Len rayah badeh, ndrabun ta len rayah” badeh, oro amekes ta atudun Laban; ya are oro ta kaniya nyamon mari badeh, oro amekes ta atudun Laban ale, tasah iy edeu wurah i ta Kindrei ta nyamon nane doh. Ma hawe are lau oro beleben ta baimon nyamon rayah bwe badeh, amekes ta atudun Laban hawe adeu wurah i ta Kindrei i le buku oro ale.

⁷Tasah, taha ari ari manyah are kada-ah na budon tataha le bwe, ma taha bamak laleyah na seken tataha bwe le.

⁸Ya eme, i buku none iy anya taha amak, taha amak na seken ta Laban le; ya i buku none iy anya taha ado, taha ado na seken tan le. Ya eme, buku none taha ado deh, taha amak, taha mari badeh, badu hawe Laban le.