Rom 13:2-8

²Mine nde tamâta ea taŋa kaika pa koipu ne ŋgua, ande i taŋa kaika pa Maro Kindeni tona, ina muŋga ipatea koipu ŋinde tu ikai wurâtani ndaina. Aku tamâta ea taŋa kaika pa koipu ne ŋgua ma ipayaula tamwata ku ma ikai pareŋa-nia ŋana ne vetâŋa ŋinde kâ.

³Ŋana tu tamâta ea kinzi uru siveta vetâŋa ara, ande kinzi ŋinde ŋandai siruru ŋana nenzi koipu ŋga. Aŋga tamâta ea kinzi uru siveta vetâŋa sakamao, kinzi ŋinde nâ siruru ŋananzi koipu. Mine nde kaloŋo ŋga; ambo noko kutu kumo tava ilo pisi lâ koipu nao, ande noko ma kupaveta kuku vetâŋa ara nâ. Ŋineŋga koipu ma isuka noko ŋa kâki.

⁴Ŋana tu koipu nde Maro Kindeni ne wurâta tamâta ŋana ivilano tu kumo ara kâ. Andeta kuloŋo ŋga; ambo noko ma kuveta vetâŋa potomule, ande ara ŋana noko ma kururu. Noko kusama tu koipu isaŋa ua lâ mbau ilo, aku i ŋandai isaŋa ŋinde kaa nâ ŋga. Ikai Maro Kindeni ndamwa ku ipare nia panzi tamâta ea uru siveta vetâŋa potomule.

⁵Kinda tasama tu Maro Kindeni uru ipare nia panzi tamâta ea taŋanzi kaika pa nenzi koipu, aku ilonda kalonda kala itula pwataki tu mâsi ŋana taveta ikura kawanzi ŋgua mine nde mâsi ara. Mine kala kinda ma tapono muli panzi.

⁶Kinzi koipu uru siveta nenzi wurâta ikura zo zo, aku simo Maro Kindeni ne wurâta tamâta ŋana sikai poe pami kâ. Ŋana duvi ŋinde kâ miki uru kao mbumbu ilâ panzi koipu.

⁷Kelekele ndia kinzi koipu sipatea tu miki ma kao ilâ panzi, ande ŋinde miki ma kalanzi. Ambo kinzi sipatea tu miki ma mbumbu kalanzi, ande miki ma kaveta ikura nenzi ŋgua mine. Ambo kinzi simo mbâna-mbâna pami, ande miki ma kamege ŋananzi ku kasuka ŋanzi kâki.

⁸Ambo tamâta pinde nenzi mbuku ikeno pami, ande miki ma katu ŋana mbuku ŋinde rârâni. Miki ma kapile keno ndimo. Andeta mbuku taitu nâ ma ikeno pami ikura zo rârâni, aku ŋinde nde mâsi ŋana tinimi mwasa panzi tinimi pinde. Ŋana tu tamâta ea uru tini mwasa panzi i tini pinde, ande ipono muli pa ŋgua tukuŋa rârâni marumbu lâ.