Rom 12:1-15

¹O lasitêwaac, aê jalêŋ biŋ amac êtu Anôtônê taê walôŋa gebe akêŋ ôlim êtu da mata jali to dabuŋ êndêŋ Anôtô naêlic ênac mataanô ŋajam. Amacnêm sakiŋ tokauc ŋajam tau tonaŋ.

²Asa nêm lêŋ atôm lau nom tonecŋa nêŋ atom. Anam taôm ôkwi e nêm ŋalêlôm êtu wakuc gebe nêm kauc êsa êpi Anôtônê biŋ, taŋ gebe êŋgôm ŋanô êsaŋa naŋ, e ajala gêŋ ŋajam to gêŋ, taŋ gêjac Anôtô mataanô ŋajamŋa naŋ, ma gêŋ taŋ Anôtô gêjac dabiŋ.

³Anôtô kêkêŋ moasiŋ gêdêŋ aê, tec jasôm êndêŋ amac samob êndêŋ-êndêŋgeŋ gebe Akêli taôm êlêlêc su atom. Taêm ênam nêm gêŋ ŋaŋêŋgeŋ êtôm nêm akêŋ gêwiŋ ŋadôŋ, taŋ Anôtô gêjac sam gêdêŋ amac gêdêŋ-gêdêŋgeŋ naŋ.

⁴Aêac ôliŋ ŋagêŋlêlôm taêsam gêc kêtômgeŋ ma ôliŋ ŋagêŋ tonaŋ samob sêwê kaiŋ kôm gêdêŋ-gêdêŋgeŋ naŋ.

⁵Ma aêac amboac tonaŋ. Aêac lau taêsam, mago Kilisi gêbiŋ aêac tôŋ tatu ôli tageŋ, mago ôli tageŋ tau ŋagêŋlêlôm gêdêŋ-gêdêŋgeŋ.

⁶Anôtô kêmoasiŋ aêae ŋa moasiŋ tokaiŋ-tokaiŋ. Embe tatap moasiŋ daoc biŋ lasêŋa sa, go tanam kôm tau êtôm nêŋ takêŋ gêwiŋ ŋadôŋ.

⁷Embe tatap moasiŋ sakiŋŋa sa, go tanam sakiŋ. Embe tatap moasiŋ tandôŋ lauŋa sa, go tandôŋ lau.

⁸Ŋac teŋ embe êIêŋ biŋ lau, go êŋgôm ŋapep. Teŋ embe êkêŋ to ênac sam gêŋ êndêŋ lau, go êŋgôm tonê ŋalêlôm makeŋgeŋ. Teŋ embe êtu gejobwaga, go ejop nê gêŋ topalêgeŋ. Teŋ embe taê wald lau, go êŋgôm totêtac wapigeŋ.

⁹Têmtac êwiŋ taôm totêmtac makeŋgeŋ. Akêŋ kisa êndêŋ sec ma asap ŋajam tôŋ.

¹⁰Têmtac êwiŋ taôm lasitêwaŋa êmbiŋ amac tôŋ ma atoc taôm sa êjô taugeŋ.

¹¹Anam nêm kôm samob ŋadôb, anam tokam-tokam atom. Ŋalau êkac amac ŋanôgeŋ, ec anam sakiŋ êndêŋ Apômtau.

¹²Akêŋ matem to têmtac ŋajamgeŋ. Aôc gêŋwapac totêmtac êpa sugeŋ, ma ateŋ mec ansiŋ sugeŋ.

¹³Anôtônê lau embe sêpô lêna tauŋ, go anam êsêac sa. Aŋgôm ja lau topalêgeŋ.

¹⁴Anam mec lau, taŋ sêjanda amac naŋ, apuc boa êsêac atom, anam mecgeŋ.

¹⁵Têmtac ŋajam awiŋ lau, taŋ têntac ŋajam naŋ, ma ataŋ awiŋ lau, taŋ têtaŋ naŋ.