Rom 11:7-12

⁷Nahkay ti ere ye ti ndam Izireyel taɗəbay ni ti tə̀ŋgət ndo : mis ndahaŋ ya ti Melefit àdaba tay a ni tə̀ŋgət. Nday ndahaŋ ya tə̀ŋgət ndo ni ti Melefit àgray ti tìciiki slimi ba.

⁸Àbu məbəkiani a Wakita ge Melefit ni bu nahkay hi : « Melefit àgray ti tìsliki majalay ahàr ba, nday akaɗa ndam ya ti tidiŋgezey àna ɗʉwir ni. Àgray ti eri gatay ni èpi divi va ba, slimi gatay ni day èci zlam va ba. Ku kani day nday nahkay. »

⁹Devit day àɗəmkia ma ka tay a, àɗəm nahkay hi : « Wuməri gatay ya tagray ni ti mə̂gəsa tay akaɗa ga kəmbazl na ahkay do ni akaɗa ga zəva na, mâzəgaɗ tay, Melefit mâtraɓ tay azuhva wuməri gani nani.

¹⁰Eri gatay ni mə̂wəluf ti tîpi divi àna naŋ va ba. Melefit mə̂fəki zlam məɗəsani ka tay, mêheɓkia aləŋ ka tay a kəlavaɗ. »

¹¹Ègia ndam *Zʉde tìjia asak a, tə̀dəɗ ni ti tanjəhaɗkiviyu kaŋgay-kaŋgay hʉya waw ? Aha, tànjəhaɗkiviyu do. Nday gani tàgudara zlam a nahkay ti, Melefit awayay ahəŋgay mis ndahaŋ ya nday ndam Zʉde do ni, ti ndam Zʉde tîpi, tâwayay ti Melefit mâhəŋgay tay daya.

¹²Ga ndam Zʉde ya tàgudar zlam ni ti Melefit àgria zlam sulumana ana ndam ga *duniya dal-dal àna naŋ a. Ga ndam Zʉde ya ti tìjikia ke divi a ni ti Melefit àgria zlam sulumana dal-dal ana nday ya ti nday ndam Zʉde do na àna naŋ a. Ay tamal ndam Zʉde ni ɗek tə̀ŋgəkia ke divi ge Melefit a ti Melefit amagray zlam sulumani dal-dal àtam ya ti àgray ni do waw ?