Rom 11:7-12

⁷Etepkap tebe, nema mapeke wote? Israel tatame nogwape eme God eteri tatame tete nenlawoyim. Eme wan gwole tem. God eri kenem tatame eme nogwape berai, etemwou eme eteri tatame tem.

⁸God eri siglou etep wobe. God ere womke, Israel tatame nogwape eme eiksem. God ere emne ragerem, eme noub beke la, eme God eteri tuma beke met. Gwopte eme etepkap som tetan. Etep wobe.

⁹Keryen Devit ere kir etep wom. God, ne Israel emne etep nente. Eme sin a eisau abetete, etemri peiktame eme yan emne peyewon sate. Etepkap eme selke warte. Etepkap ne emne yaper awosein nente.

¹⁰Ne emne wote, eme le si tame tete, eme beke kip la. Ne emne lum ya wos magelke raste, eme maremare yite, etepke som temente. Etep wom.

¹¹An kemne wolabe. Israel eme tewo tesburen selke warem. Kem mapeke abobe? God ere emne magel som taibetete o? Beraiwai. Ere emne magel som beke kip tai. Israel eme God erne som beke abo, God ere Juda berai tatame emne peten, eme eteri tatame tebe. Tebe, Israel eme etep lan pap yaper ten etep wote. Juda berai tatame eme neremri wos yenbo petem. Etep wote.

¹²Israel eme God erne kenawaike beke abo, erne magel tayem, etepkap God ere akeite tatame emne peten noub eyarbe. Ye, e yenbo. Kem ek met. Yuri Israel etem kir eme Jisas erne kenawaike abote. Etep tete, God ere tatame nogwape emne noubwai eyarte nenbe. E yenbosubuwai.