6Sa hig, mango God ehengelni gafugagim onigin mo asa ehe ehengelim kanog fwatig, amo eba ehe ogna esmunagim kwaganim asa eseg. Afa sa ehengelni gafugag hefum kwaganigteba asa Godna esmunagim kwaganig eba esug feg.
7Haigseg? Afa Ju el wasneig gafugafig ogna Godna nof la afsug apuke eba ehengel mas enaig fig mo. Afa ehengel nai mingnagim God kanog fwatig asa ehengel afsug el fig. Afa mungwali mingnag Ju el Godna unem patalfuiagim angug nihliagig.
8Afa Godna ginof enaig esog; Afa God ehengelim esenigbi asa ehengelni onigig kinieskofegba asa glawaga ehengelni nofug mas nangui afa angug mas higi.
9Afa Devit enaig elni mo enaig sihifeg og; Afa ehengel enaig onigi fig ka suialag el fig. Sa ma ehengelni buyis enaig pugufe tata bume lofug afa auwula lofug asa ehengel enanai yi apaiye afa mungwag susug flifi.
Rom 11
Rom 11:6-9