Románolachi 16:21-27

²¹Timoteo nulachi saludo erenae. Yari labe Diosichi tenchi ticatiya quito nenamin joe. Junsi Lúciobe, Jasonbe, Sosípateribenan, yala israelítala joto, nulachi saludo erelaquinae.

²²Junni Pablo in carta quichun pánasa, la Tercio pila chutenayoe. Junni lanan Miya Jesucrístochi tsachila tala pejoto nulachi saludo peerenayoe.

²³Gáyonan nulachi saludo peerenae. La Pablo yalachibi chuyoe. Jesucrístochi tsachila tala yalachi yabinan layaiminla joyoe. Junsi Erástonan nulachi saludo peerenae. Yari munisipiobi tesorero joe. Junsi Cuarto mumun aconan nulachi saludo peerenae.

²⁴Junni chiquilachi Miya Jesucristo nula jeralelaca laquirato seque quisa rocainayoe. Amen.

²⁵Nulachi tencaca sonba suwano podeimin Diosica tsara seque palaquina! Lari nulaca Jesucrístoca paca sen fiquica micarinato, Diosi nulaca sonba tenca suwamin joequenan micariyoe. To caquitununle nechi jun sen fiquica miratunun

²⁶jomin jotonan, amanari miintsan joe. Diosichi mantate paminlari ya fiquica matu mate pila chuteca jominlanue. Junni amana mate ya pilaca manquirato, ya fiquica jera entendeintsan joe yape jerale tote chuminla yaca quereito obedeseilaisa. Numatotiya jeraitumin Diosiri tsanque micarisa mantacae.

²⁷Yasiri Diosi joe. Yasiri jera mirae. Chiquila Jesucrístochi joto, Diosica numatotiya duque seque pantsan joe. Tsanqueri joe.