12Barnabas Por ai Godɨndɨ ŋgɨnɨndɨ nafuimbo moatükunɨ asu hepünɨfeimbɨ moatükunɨ ra God ai Suda-yafe ndɨfombo ahafandɨ warɨsüŋgu ramareandɨ ranahambo ndorɨne wataporɨmbo-marɨnandɨ. Asu muŋgu ai wataporɨ ra hɨhɨmborɨ-yomondühɨ hɨmbo yaŋgɨrɨ kümarundɨ.
13Hoafɨ moendɨmayowa asu Sems ai hoafɨyuhü yahuya, “Wandafɨ mamɨ. Se wandɨ hoafɨ hɨmborɨyomo.
14Saimon ai haponda ndore korɨfoare hoafɨyuhü yahuya, God ai ahandɨ hɨpoambofe hohoanɨmo nafuiyuhü sɨhefɨ ndɨfo bɨdɨfɨrambo weaŋgurühɨ wand-anei mehu.
15Asu Godɨndɨ hoafɨ hoafɨyomo-rundeimbɨ-yomondɨ hoafɨ-amboa mamɨ yahurai-ane. Ai yaru hoafɨ nda sürü papɨmaründɨ:
16Adükarɨ ai hoafɨyuhü yahuya, ‘Defitɨndɨ mamɨsɨrɨ ai worɨ nahurai bɨrɨmefoendɨ, ŋga süŋgunambo ro hɨhɨndahe koda asu ahandɨ mamɨsɨrɨ ra asükainda botɨndɨhe-amboyahɨ nindou ai worɨ bɨrɨfoare mbura sɨmborɨ worɨmbo-arandɨ nou.
Ratüpurɨ 15
Ratüpurɨ 15:12-16