Qoodaabaa 26:3-37

³Yaagin Muuseenne qeesee El77aazari Yorddaanoosa SHaafaappe hefintta baggaara, Yarkko matan, Moo7aaba Dembban etaara haasayiiddi,

⁴“GODAI Muusa azazidoogaadan, yelettoosappe laatamu laittanne hegaappe bollaara de7iya asaa qoodite” yaagidosona. Gibxxeppe kiyida Israa7eelati hageeta:

⁵Israa7eela baira na7aa Roobeela zareti: Hanooka yarata, Paalu yarata,

⁶Hexiroona yaratanne Karmma yarata.

⁷Hageeti Roobeela zareta; eti muleera 43,730.

⁸Paalu na7ai Eli7aaba;

⁹Eli7aaba attuma naati Nemu7eela, Daataananne Abiiraama; ha Daataaninne Abiiraami maabarai dooridoogeeta. Eti Qoraahaaranne a kaalliyaageetuura zuppetidi, Muuse bolli, Aaroona bollinne GODAA bolli makkalidosona.

¹⁰Biittai dooyettidi, eta Qoraahaara issippe mittiis; eta kaalliya naa77u xeetanne ishatamu asaa tamai min haiqqidosona. Yaatin eti asi be7idi duuxxiyo malaata gididosona.

¹¹SHin Qoraaha attuma naati he gallassi haiqqibookkona.

¹²Simoona zareti bantta yaran yaran: Nemu7eela yarata, Yaamiina yarata, Yaakiina yarata,

¹³Zaraaha yaratanne SHaa7ula yarata.

¹⁴Hageeti Simoona zareta; eti muleera 22,200.

¹⁵Gaada zareti bantta yaran yaran: Xafoona yarata, Hagga yarata, SHuuna yarata,

¹⁶Oozina yarata, Eera yarata,

¹⁷Arooda yaratanne Ar77eela yarata.

¹⁸Hageeti Gaada zareta; eti muleera 40,500.

¹⁹Yihudaa attuma naati Eeranne Oonaana; shin eti Kanaane biittan haiqqidosona.

²⁰Yihudaa zareti bantta yaran yaran: SHeela yarata, Paareesa yaratanne Zaraaha yarata.

²¹Paareesa zareti Hexiroona yaratanne Hamuula yarata.

²²Hageeti Yihudaa zareta; eti muleera 76,500.

²³Yisaakoora zareti bantta yaran yaran: Tolaa7a yarata, Puuwa yarata,

²⁴Yaashuuba yaratanne SHimiroona yarata.

²⁵Hageeti Yisaakoora zareta; eti muleera 64,300.

²⁶Zaabiloona zareti bantta yaran yaran: Sereeda yarata, Eloona yaratanne Yaahila7eela yarata.

²⁷Hageeti Zaabiloona zareta; eti muleera 60,500.

²⁸Minaasenne Efireema aawaa Yooseefa zareti hagaappe kaallidi xaafettidosona.

²⁹Minaase zareti Minaase na7aa Maakiira yarata, Maakiira na7aa Gala7aade yaratanne Gala7aade naatu yarata.

³⁰Gala7aade zareti I7eezera yarata, Heleeqa yarata,

³¹Asiri7eela yarata, SHekeema yarata,

³²SHamidaa7a yaratanne Hefeera yarata.

³³Hefeera na7ai Xalofihaadi macca naatu xalaalaa yeliis; ayyo attuma na7i baawa. Xalofihaada macca naatu sunttai Maahilo, No7o, Hoogilo, Milkkonne Tirxxo.

³⁴Hageeti Minaase zareta; eti muleera 52,700.

³⁵Efireema zareti bantta yaran yaran: SHutelaaha yarata, Bekeera yarata, Tahaana yaratanne

³⁶SHutelaaha na7aa Eraana yarata.

³⁷Hageeti Efireema zareta; eti muleera 32,500. Yooseefa zareti bantta yaran yaran hegeeta.