Qoodaabaa 25:5-12

⁵Yaagin Muusee Israa7eela daannata, “Pa7oora Ba7aala giyo eeqaayyo goinnida intte asaa ubbaa intte huuphiyan huuphiyan worite” yaagiis.

⁶Muuseenne Israa7eela maabarai ubbai Xoossaa Dunkkaaniyaa penggen yeekkishin, Israa7eelatuppe issoi Midiyaama biittaa maccaasiyo eta sinttaara aattidi, ba keettaa asaakko ehiis.

⁷Qeesiyaa Aaroona na7aa El77aazara na7ai Piinihaasi hegaa be7ido wode, maabaraa giddoppe denddidi, tooraa ba kushiyan oiqqidi,

⁸he Israa7eela bitaniyaa kaallidi, dunkkaaniyaa giddo geliis. Gelidi Israa7eela bitaniyaanne mishiriyoonne naa77aakka tooran caddidi, kantti kessiis. Hegaadan hanin, boshai Israa7eelatuppe qaarettiis;

⁹shin he boshan haiqqida asai laatamanne oiddu sha7a.

¹⁰Hegaappe guyyiyan, GODAI Muusa hagaadan yaagiis;

¹¹“Qeesiyaa Aaroona na7aa El77aazara na7ai Piinihaasi Israa7eela asaa giddon taani ta bonchchuwau mishettiyoogaadan mishettido gishshau, eta bolli taani hanqqettido hanqqoi dochchiis; taanikka eta ta hanqquwan xaissabeikke.

¹²Hegaa gishshau, taani ta sarotettaa maachchaa aara maacettiyoogaa Piinihaasayyo neeni oda.