Psalms 99:2-7

²Ieowa me lapalap nan Jion, o lapalap melel jan wei kan karoj.

³Ren kapina mar omui, me lapalap o kalom, i me jaraui.

⁴O manaman en Nanmarki me kin pok on me pun. Kom kotin katenedier tiak pun. Komui me kotin wiadar me pun o inen nan kadaudok en Iakop.

⁵Kapina Ieowa atail Kot o poridier on ni utipa, pwe i me jaraui!

⁶Mojej o Aron kijan japwilim a jamero kan o Jamuel nan pun en ir, me kin likwir on mar a, re likwir woner Ieowa, i ap kotin mani ir.

⁷A kotin majan on irail jan nan ur en tapok; irail peiki on a majan o kujoned akan, me a kotiki on irail er.