Psalms 97:2-11

²Taiti nuwi se sor tiromorom biya mu nu lautam ilak bagoso; nu kiwem ningo diram se tutera ningo mu noko barim, te ira sanamoso.

³Tama nu koma ko giriso ale kager kari memek nu ilak barimawara mu suen la nunga kai saposo.

⁴Nu pure nikim beteso se ali lilim la awote kaposo; se ali lilim arigiso ale uririkiso.

⁵Yawe mu nu ali sor suen la ko Kari Biya, se duruk bibiya mu nu koma te parasa kapasan.

⁶Taiti gomang mu noko munan ningo diram mu ko balu pagaruwoso, se kariimet sor suen la te mu noko nikinang biya mu arigisan.

⁷Kariimet awiriya kaem kawel nunup patawuwasan mu dolomonko; nuna kuar anapeya te nunumi patawuwasan mu dolomonko; mu awuk, kaem kawel suen la mu Kari Biya koma te nubugura kulukurmonko.

⁸Zion ko kariimet mu owore iki gilingiman ale amilmilasan, se Judah ko wonong suen la mu agotala ko amilmilasan, mu awuk, nuna nika tutera ko munan ninguru ko kuesan.

⁹O Yawe, ni Kaem Kalel Biya, ni ali lilim pulawurem; ni kaem kawel suen la nunga kiarem ale kalel biya bagasam.

¹⁰Awiriya Yawe ko kueso mu kiwem memek suen la buring tuokko; mu awuk, nu kariimet munan diram la karo tusan mu nunga bitarso, ale kariimet memek nuguting te nunga bataguru taso.

¹¹Kariimet ningo diram la bagasan mu nikinang te bagasan; uwutatala kariimet nongomang motam ningo diram mu amilmilasan.