Psalms 91:1-6

¹Awiriya Kaem koma dugu te pempem bagoso mu Kaem Kalel Biya Sokel Garagar mu ko sinar tauk se nu luman bowa ningi yawarakala baga se,

²Yawe ko iwita balukko, “Ni aninga yumura kuwim, se aga ngatalek aora; ni aninga Kaem, ani ni ko ko angamang ningi nunguning.”

³Nunguningta, Kaem tareng memek ni ko ko kaluwu beteman mu ko ka sinar tauk ale ka bituok se kuera memek me kimik te tairukko.

⁴Nu tarak ko gotek ereso iwitata, ka iramurok se ni ko luman bowa ningi yawarakala bagerko; nu me ka bitirukko, am ka iramurok ale ka sinar taukko.

⁵Se ni mel memek tirom ka maguwurokko tairuk mu ko me nguangerko; ale gatu woremkalal ka morukko tairuk, mu ko betela me nguangerko.

⁶Se kuera memek tirom ka maguwurokko tairuk, mu me ko nguangerko, woremkalal tairuk mu betela me ko nguangerko.