Psalms 90:2-15

²Mon nana kan o jappa, o aude pan jappa a wiauiada, Kot kotin mia, jan maj kokodo o pil kokolata joutuk, Main Kot.

³Kom kin kotin kapurelan pwel par aramaj akan o kotin mamajani: Puredo komail aramaj akan!

⁴Pwe par kid dueta aio me jamalar mon jilan omui o rajon majamajan eu ni pon.

⁵Kom kin kotin kapwil irail wei, re rajon mair, dueta rä, me kin monedi madan.

⁶Me kin majel pajan ni manjan, a nin jautik a pan palepaledi o monedi.

⁷Omui onion me je kin jojore kidi, o omui onion melel, me je kin mekila madan.

⁸Pwe kom kotin kajanjale on pein komui dip at akan, o dip at rir akan nan marain en jilan omui.

⁹I me at ran akan karoj kin tan weiki omui onion, at par akan rajon kajoi pot.

¹⁰Warain at maur me jaunpar ijeijok, a ma re toto, a pan waleijok, a ma me kajampwal, a pan apwal o dodok. Pwe a kin tan wei madan, dueta kit kin pir wei.

¹¹A ij me kak dedeki mana en omui onion, o ij me kin majak onion wet?

¹²Kom kotin padaki on kit, me kit pan mela, pwe jen lolekon kila.

¹³Main Ieowa, kom kotin puron wukedoke don kit; arai da omui onion? Kom kotin maki on japwilim omui ladu kan!

¹⁴Kom kotin kadire kin kit ala ar kalanan ni manjan, kit ap pan kapin o pereperen arain at maur.

¹⁵Kom kotin kaperen kit da murin at kalokoloker, o murin at kamekam warai.