Psalms 88:5-13

⁵Ani aga sapaman se kariimet kuera nunga ningi bagasam iwita; ale kariimet nunga moman se kueman ale mutim ningi aniwasan se ni nunga kamili sapa namaram se saonga bo me nungaruko iwita ani bagasam.

⁶Ni ani mutim du biya wore iwita ningi aga beterem, se mutim mu ningi mu tiromorom biya.

⁷Nika gemang magara mu ninguru aga iramuram, gagi tamun biya aga iramuram iwita.

⁸Ni uwuta aga beterem se aninga tiran yawara mu nubiring aisiman, ale mel memek bo iwita agarkasan. Ani lauta biya ningi bagasam iwita se nagurekko me terong.

⁹Ani angamang bataga se niara ma te amotam sisiram. O Yawe, ani kowarkalal pempem abugura te baga se nika aru lagasam.

¹⁰Ni kiwem bibiya duap duap mu kariimet kuera nongote me betesam; ale kariimet kuera mu barasasan ale nika nip me patawusan.

¹¹Nika kua ana nangara ko kiwem mu kuera mutim ningi me ko balsan; ale nika gemang nangara nunguningkiri ko munan mu maga namara ko sor te me ko balsan tala.

¹²Agi kariimet kueman ale mutim tiromorom biya mu ningi bagasan mu, nika kiwem bibiya duap duap betesam mu ko ari ikimon i? Mena. Kariimet nungamili sapa namara ko kuwim te namaman mu, nika kiwem ningo diram betesam mu nuna me ko ikisan.

¹³O Yawe, ani nikate saonga ko niawasam; turomola pempem aninga wosenga nikate betesam.