Psalms 85:4-12

⁴A Got nta’ayuw romad, mu fulwegmad, ma dab ku mu dabuymad!

⁵Mog, ngam par ni gab damumuw ngomad ni dariy n’umngin nap’an? Mog, nge par e damumuw rom ni dabi chuw bi’id?

⁶Mu gel nagmad bayay, ma aram e gamad e girdi’ rom e bay gu pininged e sorok ngom.

⁷A SOMOL, mu dag ngomad fare t’ufeg rom ni dabimus. Ma ga pi’ ngomad e ayuw nggu mat’awgad ngom.

⁸Gu be motoyil ko n’en ni be yog SOMOL ni Got; gapas e be micheg ngodad e girdi’ rok, ni fa’anra dab kudsulod ko yupa’ i kanawo’ rodad ni oloboch.

⁹Riyul’ nra mat’awnag ngak e pi’in ni bay madgun u wan’rad, nge par e muluplup’ rog u lan e nam rodad.

¹⁰T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

¹¹Yul’yul’ rok e girdi’ e bayi yan u fayleng ngalang, ma feni bmat’aw Got e bayi changar u tharmiy nga but’.

¹²I SOMOL e bayi man’og nagdad, ma but’ rodad e bayi fel’ mit e woldug riy.