7Se sokel amilmil ago la lagamonko; ale suan suan nama Kaem Biya Zion bagoso mu koma te aratamonko.
8O Yawe Sokel Garagar, aninga guranek ikiko; O Jacob ko Kaem, ikiko!
9Nanga king nigita nangarem wore marak tuiko; nu anananga karem iwita bagoso.
10Ani nika temple ningi bagarikko ninguru ko kua lagasam; ani sor bo te, day tom 1000 baga se am amilmilarikko; bare aking day tom suanta nika temple ningi baga se ko amilmil mu, day tom 1000 mu am kia saparam. Ani nika temple ningi kasu nagu aratu se lagarikko ninguru ko kuesam; bare ani kariimet memek mu nunga kawam ningi dagi bagarikko me ta ko kuesam.
Psalms 84
Psalms 84:7-10