Psalms 83:4-14

⁴Ale “Tairalko,” masan, “nunga wonong sor likilim la menawunak se Israel ko nup eng am mena namarukko,” ma balsan.

⁵Nuna nunga ikia yumura mu ko nongomang suanta awuman; ale tai ilu biguwuman, ale ni kerak barimamonko negawasan.

⁶Biguwura motam umu Edom ko kariimet, se Ishmael ko, se Moab ko, se Hagrites ko kariimet;

⁷se Gebal ko kariimet, se Ammon ko, se Amalek ko, se Philistia ko, se Tyre ko kariimet.

⁸Sor Assyria mu ago tala nongorak sanamaram, mu awuk, nuna Lot ko gue Moab se Ammon nongorak numi kuting iluwam.

⁹O Kaem, ni munan Midian ko kariimet nungumik te beterem, ale aking yu Kishon te ni king Jabin, se ko kager supuling Sisera nungumik te beterem, uwutatala nungumik te bitarko.

¹⁰Ni Endor wonong te nunga menawurem, ale ali te nunga warem se iwiman.

¹¹Ni nunga kari supuling alo Oreb se Zeeb nunga maguwurem uwutatala nunga bitarko; ale nunga bitua kari mu, Zebah se Zalmunna nunga beterem uwutatala nunga bitarko.

¹²Mu awuk, nuna balman, “Ana Kaem ko ali welang mu ana tanak se anananga arukko,” ma balsan.

¹³O aga Kaem, kupkup iwita nunga parusuwurko, se sua ko wakala marir karogo namoso iwita namamonko.

¹⁴Ale tama giarum kaiso se kaniso, ale sua duruk motongar te mu kaniso iwita,