Psalms 83:1-5

¹(Asaph wur imi batogam) O Kaem, kiring me kaloko; kutek me ale kiring me sisirokko!

²Arikko! nika kager kari memek kager ko kirimi karame mawasan, nuna ni me ka kuesan ale ni kerak barimasan.

³Nuna yumura la nika kariimet nunga maguwumonko ikia memek bitawasan; ale kariimet ni nunga kuesam wore nunga maguwumonko karogo kaeyawasan.

⁴Ale “Tairalko,” masan, “nunga wonong sor likilim la menawunak se Israel ko nup eng am mena namarukko,” ma balsan.

⁵Nuna nunga ikia yumura mu ko nongomang suanta awuman; ale tai ilu biguwuman, ale ni kerak barimamonko negawasan.