Psalms 81:4-15

⁴Mu awuk, imi mu Israel nunga munan den, se den aora bo Jacob ko Kaem kote tairam.

⁵Mu tom nu Egypt nongorak kager bitawa se, nu Joseph ko kariimet Israel munan den imi nungaram. Tom umu te ani kuring bo iru nuam ikiem, se kuring mu iwita balam,

⁶“Ani ikup nibiwinang te mu kututuwurem, ale tam luan gi lagakasan mu kututuwurem.

⁷Tom ikup ninga iram se nina aninga aruman mu ani ninga sangaru taem. Aninga yumura kuwim taiti nuwi kaetam mu ningi baga se nigiring iluwem; ale yu Meribah duap te ira ariga te ninga beterem.

⁸Aga kariimet, nedegawa gurugal ale sinar den balsam ewere ikialko! Israel kariimet, aga angamang mu aga agiring ewere ninguru ikialko!

⁹Nina nebugura kulukal ale kaem bo kilimik me ta nup patawuralko!

¹⁰Ani Yawe, nenenga Kaem; anigita, nina Egypt memek bagaman se ninga giem ale nengerak tairem. Mel i ko kueral mu balal se ani ningarikko.

¹¹Bare aninga kariimet agiring me ikiman nunguning; Israel nunumi karogo me kapaman ale agiring me karo tuman.

¹²Buta se ani nongomang motam aora biya mu ago nunga bita taem, se nongota nunga ikia memek la karo tuikasan.

¹³Aninga angamang motam nunguning mu aga kariimet Israel ninguru agiring ikimon ale aga munan karo tumonko aniso!

¹⁴Uwuta mu asele, ani tairate kager kari memek alo nunga maguwuwasan mu nunga morik ale nunga menawurikko.

¹⁵Arikaya ani me aga kuesan mu nguangamon ale ani asiwik duap ningi nubugura kulukurmonko; se ikup memek nungarsam mu butata pempem anirukko.