Psalms 7:2-14

²ya ra dangay, ma bay ra fekedgag ni bod ba gamanman ni layon ko gin ndariy be’ riy ni nge ayuwegneg, ngar popofedgag u rom.

³SOMOL ni Got rog, fa’anra kug rin’ e kireb ngak yug be’, ara kugthig u tanggin e fager rog fa dariy tapgin mu gu k’aring e cham ko to’ogor rog; fa’anra kug rin’ reb e pin’ey

⁵me’ere mu pag e pi to’ogor rog ngar tulufed gag ngar koled gag, mu pagrad ngar th’ebed gag nga but’ ngum’ ngan digeyeg u but’ ni dakriy e pogofan rog!

⁶SOMOL, mu sak’iy u fithik’ e damumuw rom, mu togopluw ko damumuw rok e pi to’ogor rog, mu od ngam ayuwegneg. Tin nib mat’aw e ir e ga be ta’chiylen,

⁷ere mu kunuy urngin e girdi’ nga to’obem, ma ga gagiyeg u tharmiy nga dakenrad.

⁸Gur e tapufthin rok urngin e girdi’. SOMOL, mu duwgiliy ni gu bfel’ ya gamnang ni bfel’ e rog;

⁹Gur e ga ba Got ko mat’aw, ma ga ma pufthinnag lanin’mad nge ar ar romad. Mu taleg e pi’in kireb ko ngongol nib kireb ma ga tow’athnag e pi’in ni bfel’.

¹⁰I Got e yoror rog; ma ayuweg e pi’in yad ma fol rok.

¹¹I Got e tapufthin nib mat’aw ma urngin ngiyal’ nma gechignag e pi’in kireb.

¹²Fa’anra dab ra thilyeged pangirad, ma bayi uthum Got e saydon rok. Ke tel e gat’ing rok ke fal’eg rogon ke tay;

¹³ke fek e pi talinecham rok nib yargel ke paluweg e pi gan e gat’ing rok ni be yik’.

¹⁴Amguy rogon nma leamnag e girdi’ ni kireb e tin tagan; yad ma tanomnag e oloboch miyad rin’ e sasalap.