Psalms 78:65-71

⁶⁵Me tomur, me od SOMOL ni gowe ki i mol; bod be’ nib mo’on nib gel nike taf daken ni bochan e wayin.

⁶⁶Me tuluf e pi to’ogor rok ngar sulod ni ka ra waergad ma ka ra tamra’gad.

⁶⁷Machane me n’ag e pi’in owchen Josef; ma de mel’eg fare ganong rok Efraim.

⁶⁸Me mang birok Judah e mel’eg nge fare burey ni Zion nrib t’uf rok.

⁶⁹Me toy e Tempel rok u rom ni bod tafen u tharmiy; ni ngongliy nib mayluy ni bod e fayleng, ni dariy bingyal’ nra buch ban’en riy.

⁷⁰I mel’eg David ni tapigpig rok; me yan i fek u rom ko chumol ko gamanman,

⁷¹ni aram e gin ni i chothowliy e yuran’ i gamanman rok riy, nge tay’ David ni pilung nu Israel, ngi i gafaliy e girdi’ rok Got.