Psalms 78:23-27

²³Bare nu umu ko iki se wore taiti gomang sail ago maonam ale taiti gomang ko songkuring kaogam.

²⁴Ale inang manna mu tuwik iwita beteram se namonko kaparam; nu duruk wonong ko inang imi namonko nungaram.

²⁵Se imi mu engel nunga inang wore nuna naman; nu inang suen biya nungaram se naman.

²⁶Se udagi aking balam se koma worem bausa mu te marir barasam, ale ko sokel aora biya mu te balam se yar daula barasam.

²⁷Ale inangnang beteram se tuwik muguri iwita kaparam ale kupkup iwita ali bala tuam, mu inangnang suen biya nunguningkiri saun muguri iwita kapaman.