Psalms 77:2-10

²Gu meybil ngak Somol ko ngiyal’ nike yib e gafgow ngog; polo’ e nep’ ni gu meybil ni kug tining pa’ag ngalang, machane, de fel’ lanin’ug.

³Nap’an ni gu ra leamnag Got, mug gel’gel’; nap’an ni gu ra pi’ lanin’ug, me mulan’ug.

⁴I teg nda gu mol ni polo’ e nep’; kari magafan’ug ndakiyag ni gu non.

⁵Gu leamnag e pi rran nike thumur me yib ngan’ug fapi duw kakrom.

⁶N’umngin e nep’ ni u gu leam; ug leam leam, ma ba’aray e n’en ni gu fitheg riy:

⁷“Gur, gubin ngiyal’ ni bay i par SOMOL nike pi’ keru’ ngodad? Gur, aram e ri dab ku da fel’gad u laniyan’ bayay?

⁸Gur, aram e ke tal ni dabki t’ufegdad? Gur, aram e ke m’ayfan e n’en ni micheg nra rin’?

⁹Gur, ke pag Got talin ni nge runguydad? Gur, damumuw e ke yon’ luwan e runguy rok?”

¹⁰Ma aram me lungug, “N’en ni ka ri kireban’ug ngay e Got e daki gel gelngin.”