Psalms 76:1-11

¹KOT me indand mau ren Iuda, o mar a me linan ren men Ijrael.

²Tanpaj a im pwal mi nan Jalem, o tanpaj a mi Jion.

³I waja a kotin katip pajan ia kananan kajik katieu, o pere, o kodlaj, o tatan mauin. Jela.

⁴Komui me linan o manaman jan dol en mauin kan.

⁵Me aklapalap akan lodier on men kul akan o mela, o jaunpei komad karoj en kidi pa arail.

⁶Main Kot en Iakop oj o war kin pupekidi omui majan akan.

⁷Komui meid kamajapwek. Ij me kak u mo ’mui ni omui onion?

⁸Ni omui kotin kajaledar omui kadeik jan nanlan, jappa ap majapwekadar o nenenlar,

⁹Ni en Kot a kotidar, pwen kadeik, o jauaja me luet akan karoj nin jappa. Jela.

¹⁰Pwe makar en aramaj kin kalinanada komui, o ma re pan pur on moromoron, luan omui onion pan itar on irail.

¹¹Komail inau on Ieowa omail Kot o kapwaiada. Komail karoj, me mi impa, wa don ren me kalom omail kijakij akan.