Psalms 74:13-23

¹³Kom kotin kamueit pajaner madau ki omui manaman, o kom kotin kawelar monan drake nan pil.

¹⁴Kom kotin kawelar monan walroj, ap kotiki on aramaj nan jap tan, pwen kanala.

¹⁵Komui kotin kapwaredar parer o pilap akan, o pilap kalaimun akan me kom kotin kanalanaladi.

¹⁶Ran o pon me japwilim omui; komui kotin wiadar jaunipon o katipin.

¹⁷Komui wiadar irair en jap akan; komui me kin wia anjaun karakar o kapou.

¹⁸Kom kotin kupura mepukat: Imwintiti o lalaue komui Main, o aramaj pweipwei kan mamaleki mar omui.

¹⁹Kom der kotiki on man laualo nen en japwilim omui muroi, o kom der likidmaliela pwin en japwilim omui luet akan.

²⁰Kom kotin tamanda inau o, pwe jap olar waja karoj o im akan pual pajaner.

²¹Re der kotin mueid on me luet o, en namenok purela, me jamama o luet akan en kapina mar omui.

²²Main Kot, kom kotida o kotin kaimwijokala japwilim omui dodok; kom kotin tamanda kankaurur, me kin wiaui on komui jan ren me pweipwei kan.

²³Kom kotin der maliela weriwer en japwilim omui imwintiti, moronoron en me palian komui kan, me kin lalaudalar anjau karoj.