Psalms 73:5-11

⁵Darir gafgowgad ni bod boch e girdi’; darir mada’ niged e oloboch ni bod boch e girdi’.

⁶Ere kar nunuwgad ko ufanthin ni bod ba kiy i churuwo’, ma farad yargal e ke mang mad ngorad;

⁷gumircha’rad e be thang’el e kireb riy nga but’, ma leam rorad e ke suguy e kireb nike m’ay i t’ar liyben rorad.

⁸Yad be moningnag boch e girdi’ ma yad be weliy e tin kireb; yad ba tolngan’ ma yad be puruy’nag rogon ni ngar gafgow niged boch e girdi’.

⁹Yad be yog murung’agen Got nu tharmiy nga dalib, ma yad be yog u fithik’ e ufanthin e tin ni nge rin’ e girdi’ nu fayleng,

¹⁰ya mus ngak e pi girdi’en Got ni kar chalgad ngorad kari mich u wun’rad urngin e tin yad be yog.

¹¹Be lungurad, “Dabi nang Got, en ni Th’abi Tolang e dabi nang!”