Psalms 72:2-15

²Pwen kaunda japwilim omui aramaj akan nin tiak pun, o dorela japwilim omui me luet akan.

³Nana kan en kare don aramaj akan popol o dol akan me pun.

⁴A pan jauaja pun en me luet ren aramaj akan; a pan dorela nain me jamama kan, o pan tiakedi me morjued o.

⁵Aramaj pan majak komui jan eu kainok lel eu kainok, arain katipin o jaunipon mia.

⁶A pan kotidi dueta katau on mat kap, dueta katau me kawujokejok jap o.

⁷Me pun o pan memaurata ni a ran akan, o muei mau pan pwaida, lao jaunipon jolar mia.

⁸A pan kotin kaunda jan eu madau lel won eu, o jan pilap o lel ni imwin jappa.

⁹Me kaukaujon nan jap tan, pan dairukedi on mo a, o a imwintiti kan pan kanala pwel par.

¹⁰Nanmarki en Tarjij o me mi nan dake kan, pan wa don i ar kijakij; nanmarki en Arapia o Jepa pan wia nopwei.

¹¹Nanmarki kan karoj pan kaudoki on i, men liki kan karoj pan upa on i.

¹²Pwe a pan dorela me jamama o, me kin weriwer, o me luet, me jota jauaj pa.

¹³A pan kupura me tikitik o jamama, o pan kotin jauaja nen en me jamama kan.

¹⁴A pan kotin dorela nen arail jan ren me morjued o weit, o nt’ arail me kajampwal mon jilan i.

¹⁵A pan ieiajata o kold jan wein Arapia pan wijik won i, o aramaj akan pan kapakapaki i anjau karoj, a pan kapaida ni anjau karoj.