Psalms 69:8-33

⁸I wialar men wai amen ren ri ai kan, o nain in ai jaja ia lar.

⁹Pwe limpok on tanpaj omui kajor ia dier, o lalaue en ir, me kin lalaue komui id ko don ia.

¹⁰I kin janejan melel o kaijejol, ari jo, re kin lalaue ia.

¹¹I likau kidar ed eu, a re kin lalaue ia.

¹²O me mondi pan wanim, kin kajekajenda ia, o wajan kan jakau, re kin kakaul kin ia.

¹³A i kin kapakap on komui Main Ieowa ni anjau me kon on; Main Kot, kom kotin mani ia pweki omui kalanan lapalap o kotin jauaja ia.

¹⁴Kotin dore ia la jan nan pwel, pwe i ender kirila; pwe i en piti jan, me kailon kin ia o jan nan pil lol;

¹⁵Pwe lapake ender kamop ia la, o waja lol ender kadala ia la, o au en por o ender pur pena on po i.

¹⁶Mani ia, Main Ieowa, pwe omui kalanan meid mau, kom kotin majan don ia, pweki omui kalanan lapalap.

¹⁷O kom der karirela jan japwilim omui ladu jilan omui, pwe i majak; kom kotin madan mani ia!

¹⁸Kom kotido ren nen i o dorela i, kotin dore ia la pweki ai imwintiti kan.

¹⁹Komui manier duen ai jarodier, o ai lijela, o ai namenok, me palian ia, kin janjal on komui.

²⁰Ai jarodier kin kawela nan monion i, o i luetalar melel. I auiaui, ma jota me pan injenjuedeki mepukat, a jota man amen; o ma jota, me pan kamait ia la, a jota me i kak diar.

²¹Irail kin kamana kin ia ede, o kanim pil kin ia pinika ni ai men nim piladar kaualap:

²²Arail tepel en wiala injar arail, o lidip arail, o kapup arail.

²³Maj arail en rotorotala, pwe ren der kilan waja, o irail en koj pena kokolata.

²⁴Wudokidi on po ’rail omui onion, o omui onion melel en lel on irail.

²⁵Deu ’rail en lijelipinda, o jota me pan kaujon nan im arail.

²⁶Pwe re kin pakipaki, me kom kotin kaloker, o re kin indinda, me dene komui kin kaloke mal japwilim omui kan.

²⁷Kom kotin kaloedi on ir ni japun toto, pwe ren der konodi omui pun.

²⁸Irij jan ir nan puk en kamaur, pwe ren der ian me pun kan kileledi.

²⁹A nai me luet, o i kin waiwairok. Main Kot, omui jauaja ia en jinjila ia.

³⁰I pan kapina mar en Kot ki kaul pot, o i pan wauneki i melel ki danke.

³¹I me Ieowa kotin kupura jan kau ol, me oje o pat en nä pualapual mia.

³²Me luet akan kin kilan, o peren kida, o me kin rapaki Kot, monion arail pan maurada.

³³Pwe Ieowa kotin mani me jamama kan, o a jota kotin mamaleki japwilim a jalidi kan.