Psalms 66:5-20

⁵Komail kodo, kilan dodok en Kot, pwe a wiawia kan me kapuriamui ren aramaj akan.

⁶A kotin kawukila madau on jap madakon, pwe aramaj en kak alu pon pil o, i waja je peren kidar kaualap.

⁷A kotin kakaunda ni a manaman kokolata; jilan i kin ireron wei kan. Me kanudi kan jota kak pwaida. Jela.

⁸Komail wei kan kapina atail Kot, o komail kalaudela nil omail, pwen lel on waja doo.

⁹Me kotin kolekol on kitail maur atail, o jota mueid on, nä atail en krijedi.

¹⁰Pwe komui Kot me kotin kajonejon kit o kamakelekel kit er, dueta jilper kin kamakelekelada.

¹¹Kom kotin mueid on, jen lodi ni injar o, kom katoutou kin kit men katoutou eu.

¹²Kom kotin mueid on aramaj kai, en tiakedi pon mon at; kit lel on kijiniai o pil; a kom kotin kapiti jan kit o kakele kit adar.

¹³I me i pan pedekilon on nan tanpaj omui, pwen mairon ijij, o i pan kapwaiada ai inau on komui,

¹⁴Duen kil en au ai inaukidar, o duen au ai inda ni ai anjau apwal:

¹⁵I pan mairon ijij on komui jip wi kan ianaki adiniai en jip ol, i pan maironki kau ianaki jip o kut ol akan. Jela.

¹⁶Komail karoj, me majak Kot, kodo re i, i pan kajoi on komail, duen me a kotin wiai on nen i.

¹⁷I likwirki on i au ai o i kapinaki i lo i.

¹⁸Ma i pan lamelame nan monion i, me i pan wiada me jued, Ieowa ap jota pan mani ia;

¹⁹A Kot kotin ereki ai kapakap, o a kotin manier ai nidinid.

²⁰Kapina on Kot, me jota kotin mamaleki ai kapakap, o a jota kotiki wei jan ia a kalanan.