Psalms 66:4-18

⁴Ali lilim la nubugura kulukuru kisisan; ale wur te nip biya patawusan.”

⁵Tairal ale Kaem kiwem bibiya beteram ewere arigalko; nu kariimet nunga sangukko mel duap duap beteram!

⁶Nu gagi kuring kauram se kariimet te aolak iluman kasu kapaman; buta se tairal se nup patawunakko!

⁷Nu ko sokel biya mu te ali lilim bitarso; nu kariimet suen la ninguru nungarki kutuwuwoso; buta se kariimet bo nu ilak me barimarukko!

⁸O kariimet, anananga Kaem nup patawuralko; nigiring paogal ale sail te nup patawuralko!

⁹Nu ikup ningi nanga sangaru tam se ana ikup mu te me dagulaman.

¹⁰O Kaem, ni ana billy-can kaetam yugur gawa te iri lagara se nama nikim kapara iwita nanga irirem.

¹¹Ni nanga iki se wore nanga beterem se dungan ura ningi namaman, ale nabiwinang te mel ikup ikup gikasan.

¹²Ale nanga bitua kari nungarkiwerem se mel yam ko nanga bitakasan; ni ana tama ningi, se yu lom biya ningi iwita nanga beterem se aolak iluman, bare aitak ni nangarak sor mel suen la terong la karogo mu te nangarak tairem.

¹³Buta se ani aga den kerak kalem mu karo tuek ale ka temple ningi tairik ale tama bita kisekko;

¹⁴ani ikup ningi baga se den umu kerak kalem.

¹⁵Ani sipsip mel nungumik titiyam mu ago tairik ale tama bita kisekko; sipsip anumang se, bull se, goat karogo tai tama bita kisekko.

¹⁶O kariimet, nina Kaem kuring bowa ningi bagasan mu, tairal se nu kiwem aningate beteram mu balik se ikialko!

¹⁷Ani nup patawu se nu aga sangukko niarem, ale aga memek me kaluwurem.

¹⁸Bare ani aga memek angamang motam ningi kaluwurem le mu, nu me aga saongam le.