Psalms 65:1-6

¹(David ko wur) O Kaem, ana Zion namanak ale nip patawunakko; ale nanga ikia kerak kaloman mu bita sapanakko.

²Ni ana nanga guranek koma nangarsam, se ana kariimet suen la nikate taisan.

³Anananga munan memek umu ko ikup ninguru nanga maguwuso, bare ni anananga memek mu siwu warsam.

⁴Kariimet ni nunga balsam nika masam, ale nongorak ka kuwim laili te taisam, mu amilmilamonko! Ana nika munan yawara yawara nika temple laili ningi aniso mu karogo ninguru amilmilasan.

⁵O Kaem, anananga Sangaru Ta Kari, ni kiwem duap duap te nagiring ilusam ale nanga bataguru tasam. Ali lilim ko kariimet se gagi batoga te ta wore nikate la nunga loagara ikia betesan.

⁶Nika sokel aora mu te duruk bibiya mu nunga nungem, ale mu te nika sokel biya mu wetang saperem.