Psalms 59:11-15

¹¹Got, dab mu li’rad, ya ri pag e girdi’ rog talin. Mu weregrad u gelngim ma ga waer nagrad, A Somol, ni tayoror romad.

¹²Denen e bay u dap’il’ugunrad, urngin e tin yad ma yog e ba sug ko denen; mang e yugu ra awgad ko pi tolngan’ rorad! Ni bochan e yad ma yibil ni nge buch wa’athan be’ ma yad ma ban,

¹³mu thang owcharad u fithik’ e damumuw rom; mu thirifrad u but’. Ma aram me nang gubin e girdi’ ni Got e be gagiyeg u lan yu Israel, ma gagiyeg ni be tay e ke garar u ga’ngin e fayleng.

¹⁴Ra blayal’ me sul e pi to’ogor rog, ni yad be tolul ni bod e pilis ma yad be gurul u lan e binaw,

¹⁵ni bod e pilis ni yad be deraw i yan ni bochan e ggan ma yad be tolul ni fa’anra de gaman e tin kar pir’eged.