Psalms 57:5-11

⁵O Kaem, nika nip biya taiti gomang suen la te wetang saparko, se ka kimik nikim biya mu ali lilim iramurokko.

⁶Nuna ani te aga ilumonko dagarok kereman, se ani angamang ninguru ikuwoso; nuna aninga lage te mutim bo iman, bare aking nongota ningi dagulaman.

⁷O Kaem, ani ni ko ko angamang me namoso taiso, ani angamang sokel ago bagasam; ani nika wur iluwek ale nip patawurikko.

⁸Ani ukira duap ago barasik ale aga gita se kulele kolawirik se sor ukirokko!

⁹O Kari Biya, ani sor kasik la nongoma te amilmil kisek, ale kariimet suen la nongoma te wur iluwek ale nip patawurikko.

¹⁰Mu awuk, nika kua nangara mu kumik tom mena, taiti gomang kiaram; se nika munan me nanga bita ariga mu betela, taiti gomang karogo terong mam.

¹¹O Kaem, nika nip biya taiti gomang suen la te wetang saparko, se ka kimik nikim biya mu ali lilim iramurokko.