Psalms 56:2-7

²Nuna nonoman sapara mena agarak kagera lagasan; nuna suen biya se nunumi patawusan ale agarak kagera gilingisan.

³Tom ani nguangasam mu aninga loagara suanta mu ni aninga sangaruko mu te betesam.

⁴Ni aga Kaem, ani ka den ko amilmilasam, ale nikate la ira sanamasam, ale me nguangasam. Ali ko kari bo awuk ta aga maguwurokko?

⁵Nuna kowarkalal maiya dagisan ale den bo te aninga bita maguwumonko wore kupu lagasan, ale nuna aguwaya aga maguwumonko wore ko balu lagasan.

⁶Nuna yumusan ale aninga tigiru lagasan; nononga ikia biya mu aninga momon se kuerikko.

⁷O Kaem, ni nunga memek koma nungaruko! Nika gemang magara te kariimet umu nunga maguwurko!